به گزارش گروه بین الملل خبرگزاری دانشجو، هیات نمایندگی گروه طالبان به سرپرستی شیخ «شهاب‌الدین دلاور» که برای رایزنی با مقامات روسی وارد مسکو شده است، عصر امروز (پنجشنبه) با «ضمیر کابولوف» نماینده ویژه رئیس جمهور روسیه در امور افغانستان دیدار و گفتگو کردند.
شهاب‌الدین دلاور پس از دیدار با کابولوف گفت: ما به روسیه اطمینان دادیم، تحت هیچ شرایطی وارد خاک تاجیکستان یا کشور‌های حوزه آسیای میانه نخواهیم شد.
وی افزود: گروه طالبان همچنین به روسیه و دیگر کشور‌های جهان اطمینان می‌دهد امنیت سفارتخانه‌ها، کنسولگری‌ها و دفاتر نمایندگی روسیه و کشور‌های خارجی را تامین خواهد کرد.
شهاب‌الدین دلاور با اشاره به عزم جدی طالبان برای مقابله با داعش در افغانستان گفت: ما قول میدهیم گروه تروریستی داعش را در خاک افغانستان ریشه کن کنیم.
ضمیر کابولوف نماینده ویژه رئیس جمهور روسیه نیز در دیدار با هیات چهار نفره طالبان در مسکو، با ابراز نگرانی از وضعیت امنیتی شمال افغانستان و مرز‌های تاجیکستان گفت: براساس پیمان امنیت دسته‌جمعی، روسیه متعهد به دفاع از خاک کشور‌های عضو، از جمله تاجیکستان است.
کابولوف افزود: در دیدار با نمایندگان طالبان ضمن رایزنی درباره تحولات میدانی در افغانستان، چشم انداز گفتگو‌های بین‌افغانی به منظور دستیابی به صلح پایدار بررسی شد.
روز‌های اخیر و در پی افزایش تنش‌ها در مرز‌های شمالی افغانستان با تاجیکستان، روسیه اعلام کرده بود با هدف پیمان امنیت دسته‌جمعی با کشور‌های جدا شده از اتحاد جماهیر شوروی سابق، بزودی حدود ۷ هزار سرباز برای دفاع از مرز‌های تاجیکستان وارد این کشور خواهد شد.
روسیه در حال حاضر دارای پایگاه هوایی در خاک تاجیکستان است و با تشدید تنش‌ها در مرز‌های افغانستان و تاجیکستان، نیرو‌ها و تجهیزات نظامی خود در این پایگاه را تقویت کرده است
ارسال نظرات